ЖАРАТЫЛЫСТАНУ – ҒЫЛЫМИ САУАТТЫЛЫҚТЫ ДАМЫТУДА «БИОАҚПАРАТТАНДЫРУ ЖƏНЕ СИНЕРГЕТИКА» ТЕХНОЛОГИЯСЫНЫҢ ТИІМДІЛІГІ

Аннотация

Әлемдік білім беру жүйесі уақыт өткен сайын жылдам дамуда. Білім беруде мұғалімдердің басты нысаны – оқушы. Ендеше алдымыздан білім нәрімен сусындаған оқушыларымыз қандай болу керек? Менің ойымша, өзінің және қоғамның көзқарасын барша жұртқа білдіре алатын, білімді, бәсекеге қабілетті, шығармашыл, құзырлы жеке тұлға болуы шарт. Ал оқушыларымызды осы деңгейге жеткізу үшін біз сабақтарымызды қалай түрлендірер едік? Оқушының оқуға қызығушылығын, мүмкіндігін қалай арттыра аламыз? Бүгінгі мектеп мұғаліміне, сабақта қойылатын талаптар да түбегейлі өзгерді. Әрбір мұғалім мектеп пен шәкірт алдында жауапкершілікпен, шығармашылықпен, ізденімпаздықпен және шеберлікпен білім беруде. Ұстаздардың жас ұрпаққа білім беру мен тәрбиелеу ісінде қажымай еңбек етудің арқасында, егеменді еліміздің өсіп келе жатқан ұрпағын ойлы да іскер, жігерлі де батыл, өзіне-өзі сенімді, саналы азамат етіп тәрбиелеуде. «Мұғалім әдісті көп білуге тырысуы керек, оны өзіне сүйеніш, қолғабыс нәрсе есебінде қолдануы керек» деген А. Байтұрсынов атамыздың сөзін басшылыққа ала отырып, алдыма қойған негізгі мақсатым – сабақ сапасын көтеріп, түрлерін жетілдіре отырып, оқушыларға терең және тиянақты білім беру. Ол – үлкен ізденіс пен шығармашылықты талап етеді және бұл бір күннің әрекеті емес, оған уақыт керек.